iSanSarFilms.Net ~ Watch Latest Movies & TV Show Online

Nepali Movie : Dasdhunga
Casts : Anup Baral, Dayahang Rai, Saugat Mallat), Sanchita Luinteletc.

त्यो ५० सालको दासढुङ्गा कहिल्यै ओखतीमूलो नहुने खिल बनेर यो मुटुमा बिझाउँदै बसेको थियो । तर यो ६७ सालको दासढुङ्गा चाहिँ एउटा सुन्दर र सफल क्यानभासझैँ छिपिएको छ मेरो दिमाखमा । त्यो दासढुङ्गा शरीरै गलाउने एउटा कालो दिन थियो भने यो दासढुङ्गा मसलेदार चलचित्रहरुको ताँतीलाई तोड्दै झुल्किएको एउटा नौलो र उत्कृष्ट चलचित्र हो ।
राजनैतिक विवादमा लामो समयदेखि मुछिएको ‘दासढुङ्गा’ बहुतै प्रतीक्षित चलचित्र हो । दासढुङ्गाको निर्माण सुरु भएको समयदेखि लिएर प्रदर्शनको समयसम्म आइपुग्दा चलचित्रसम्बन्धी जानकारी भएकाहरुले लामै प्रतिक्षा गरेका छन् । तर चलचित्र प्रदर्शनमा लागिसकेपछि पनि चलचित्रबारे अनभिज्ञ जमात नभएको भने होइन । म गोपीकृष्ण हलमा टिकट काट्दै गर्दा मेरो पछाडि छाता ओढेर
बसिरहेका एक व्यक्ति यहाँका सिनेमाघरहरुमा प्रदर्शन भइरहेका चलचित्रका नाम सरर्र पढ्दै आए । उनी दासढुङ्गामा आएर टक्क अडिए अनि छेवैको अर्को व्यक्तिलाई झट्पट् प्रश्न गरिहाले – “दासढुङ्गा हिन्दी चलचित्र कि नेपाली?”
मिडिया तरक्की र प्रचारमा खासै ध्यान नदेको दासढुङ्गाप्रति दर्शकहरु अनजान हुनु स्वभाविकै हो । दासढुङ्गा एउटा रित्तो गाग्री नभएकोले गर्दा चलचित्रका निर्माणकर्मीहरुले प्रचारप्रसारमा ध्यान दिनु खासै जरुरी पनि देखिँदैन । घर हुनेको थर आफैँ बन्दै जान्छ । बोल्नेको खोलाभित्रको फोगटो पनि बिक्ने यो जुगमा निर्माणकर्मीहरुले बक्स्-अफिसभन्दा पनि सेलाएका देशप्रेमी चेतनाहरुलाई लक्षित गरेको हुनुपर्छ ।